पूर्व सभामुखहरूले नवनिर्वाचित सभामुख डोलप्रसाद अर्याललाई संघीय संसद सचिवालय बलियो बनाउन सुझाव दिएका छन्।
पूर्व सभामुख देवराज घिमिरे र अग्निप्रसाद सापकोटासँग सभामुख अर्यालले आज सिंहदरबारमा भेटघाट गरेका थिए।
भेटमा संसद सचिवालय र सभामुखको सचिवालय बलियो बनाउन सुझाव दिएको घिमिरेले बताए।
'सभामुखको सचिवालय बलियो बनाउनु उपयुक्त हुन्छ भनेर हामीले सुझाव दियौं', घिमिरेले भने, 'धेरै कुरा हुन पाएन। तुरून्त निर्णय गरेर सांसद र सभामुखहरूको स्वकीय सचिव र सचिवालय बलियो बनाउनुपर्छ।'
सभामुख अर्यालका प्रमुख स्वकीय सचिव मुना कुँवरले पनि पूर्व सभामुखहरूले स्वकीय सचिवको सुविधा दिन सुझाव दिएको सेतोपाटीलाई जानकारी दिइन्।
-1746009348.jpg)
