नेपाली कम्युनिष्ट पार्टी (नेकपा) का संयोजक पुष्पकमल दाहाल 'प्रचण्ड'ले तत्कालीन माओवादीले २०६४ सालको पहिलो संविधान सभामा ल्याएको मत र हैसियत सम्झेका छन्।
अहिले रास्वपाले जस्तै त्यसबेला आफ्नो पार्टीले धेरै मत ल्याएको उनको भनाइ छ।
मंगलबार प्रतिनिधि सभा बैठकमा बोल्दै उनले आफ्नो जस्तै अवस्था रास्वपाको पनि हुने हो भनेर चिन्तित भएको बताए।
‘राजनीतिक यात्राको अत्यन्त उतारचढावपूर्ण हाम्रो, मेरो आफ्नै अनुभवले पनि भन्छ कि हार सहन जति कठिन छ, जित पचाउन त्यो भन्दा कठिन हुन्छ। तपाईंहरू जस्तै o६४ सालमा धेरै मत ल्याएर भाँडोमा न भुइँमा भएको पार्टीको नेता मै हो,’ उनले भने, ‘तपाईंहरू पनि त्यस्तै हुनुहुन्छ कि भन्ने चिन्ता, त्यस्तो नभइदिए हुन्थ्यो भन्ने छ। हार सहन जति गाह्रो हुन्छ, जित पचाउन त्यो भन्दा गाह्रो हुन्छ।’
-1778577388.jpeg)
