सरकारले भारत,चीन र अमेरिका सहितका मुलुकमा राजदूत नियुक्तिको सिफारिस गर्ने भएको छ।
राजदूतहरुको नियुक्ति सिफारिसका लागि आज दिउँसो ३ बजे मन्त्रिपरिषद बैठक डाकिएको छ।
बालेन शाह नेतृत्वको सरकारले पूर्ववर्ती केपी ओली सरकारबाट नियुक्त भएका राजदूत फिर्ता बोलाएपछि भारत, चीनसहित १७ वटा मुलुकका कूटनीतिक नियोगमा राजदूतहरू रिक्त छन्।
सबै नियोगमै आजै सिफारिस हुने नहुने भने टुङ्गो छैन।
स्रोतका अनुसार भारतका लागि निश्चलनाथ पाण्डे, अमेरिकाका लागि चिरनजंग थापा र चीनका लागि कल्याण शर्माको नाम राजदूतमा सिफारिस गर्ने तयारी छ।
यसरी सिफारिस गरिएका नामहरुमाथि संसदीय सनुवाइ हुनेछ।
संसदीय सुनवाइबाट अनुमोदन भएपछि सम्बन्धित मुलुकको सहमति प्राप्तिका लागि पठाइन्छ।
सहमति प्राप्त भएपछि राजदूतहरुको नियुक्ति प्रक्रिया पूरा हुनेछ।
प्रधानमन्त्रीको सचिवालयले नियुक्ति सिफारिस गर्नु अघि प्रस्तावित राजदूतहरुलाई कार्यालय बोलाएर भेटघाट समेत गरेको छ।
-1746009348.jpg)
