नेकपा एमालेका सचिव राजन भट्टराईले पार्टीलाई गतिशील र प्रभावकारी बनाउन जारी केन्द्रीय कमिटी बैठकबाट विभिन्न महत्वपूर्ण विषयमा स्पष्ट र ठोस निर्णय हुनुपर्ने माग राखेका छन्।
बैठकमा उपलब्ध तीन मिनेटको समयमा धारणा राख्दै सचिव भट्टराईले नेतृत्व तथा पदाधिकारीको कार्यकाल निर्धारण, जनसंगठन सञ्चालन र पुनर्संरचना, उम्मेदवार चयनको पारदर्शी विधि, कमिटी प्रणालीको प्रभावकारिता, युवा तथा महिलाको अर्थपूर्ण सहभागिता एवं नयाँ पुस्ताको प्रवेश र नेतृत्व विकासजस्ता विषयलाई जोड दिएका थिए।
आत्मसमीक्षाको आग्रह गर्दै सचिव भट्टराईले पार्टीको भविष्य भाषणमा मात्र सीमित हुन नहुने बताए।
‘हामीले आफ्ना छोरा–छोरी, भाइ–बहिनी, नातेदार तथा आफ्नो वरिपरिका युवालाई पार्टीमा कति जोड्न सकेका छौँ? यो प्रश्न हामी प्रत्येकले आफैंलाई सोध्नुपर्छ,’ उनले भने, ‘हाम्रो आफ्नै नयाँ पुस्ताले यो पार्टीमा आफ्नो भविष्य देख्छ कि देख्दैन—त्यसले हाम्रो भविष्य निर्धारण गर्छ।’
-1765287416.png)
-1790072299.jpg)
-1746009348.jpg)
