नेपाली कांग्रेसका नेता नैनसिंह महरले सञ्चारमाध्यमको कार्यालयभित्रै प्रवेश गरेर पत्रकारलाई नियन्त्रणमा लिइएको घटनाप्रति आपत्ति जनाएका छन् ।
प्रहरीले नेपालप्रेस अनलाइनको कार्यालयभित्र प्रवेश गरेर पत्रकार विश्वमणि सुवेदीलाई नियन्त्रणमा लिएको छ।
साथै नयाँ पत्रिका दैनिकको कार्यालयमा प्रवेश गरेर पत्रकार नवराज मैनालीलाई नियन्त्रणमा लिन खोजेको छ।
त्यसतर्फ लक्ष्य गर्दै नेता महरले आज सामाजिक सञ्जाल फेसबुकमा लेख्दै प्रेसको मुख बन्द गरेर तर्साउने प्रयास गरिएकोमा आपत्ति जनाएका छन् ।
उनले अन्य धेरै पत्रकारको समेत खोजी भइरहेको जानकारी आएको उल्लेख गर्दै यस्तो कार्यलाई राज्यद्वारा सञ्चालित हुर्मत लिने प्रयासका रूपमा टिप्पणी गरेका छन् ।
लोकतन्त्रको बर्खिलापमा हुने नियोजित सबै कार्य निन्दनीय रहेको उनको भनाइ छ।
