नेपाली कांग्रेसका सभापति गगन थापाले मधेस सरकारका विषयमा विभिन्न दलका शीर्ष नेताहरूसँग भेटेर कुराकानी गरेको बताएका छन्।
नेकपा एमालेका अध्यक्ष केपी शर्मा ओली र त्यसभन्दा पहिला नेपाली कम्युनिस्ट पार्टीका संयोजक पुष्पकमल दाहाल प्रचण्ड र जनता समाजवादी पार्टी नेपालका अध्यक्ष उपेन्द्र यादवसँग कुराकानी गरेको सभापति थापाले बताए।
‘म नेपाली कांग्रेस पार्टीको सभापति छु। मेरो पार्टी सभापतिका रूपमा केही जिम्मेवारी छन्। मधेस प्रदेशको सरकार नेपाली कांग्रेसको छ। अबको पाँच–सात दिनभित्र विश्वासको मत लिनुपर्ने छ। अरू राजनीतिक दलसँग संवाद गर्नुपर्ने छ। प्रचण्डलाई केही दिनअगाडि भेटेँ। त्योभन्दा पहिला उपेन्द्र यादवजीलाई भेटेँ। त्यही सन्दर्भमा नेकपा एमालेका अध्यक्ष केपी शर्मा ओलीजीलाई भेटेँ।सकियो। कुनै कुरा सरकारका बारेमा लुकेर गर्नुपर्ने नै छैन। जे गर्ने हो, खुला गर्ने हो,’ आज भिडिओ सन्देश जारी गर्दै सभापति थापाले भने।
मधेसमा कांग्रेस नेतृत्वमा सरकार छ। यहाँ नेकपा एमालेले सरकारलाई दिएको समर्थन फिर्ता लिएपछि मुख्यमन्त्रीले विश्वास मत लिनुपर्ने अवस्था छ।
