भारत र बंगलादेशबाट आएका २३ जना नेपालीलाई भक्तपुरको खरिपाटी क्वारेन्टाइनमा राखिएको छ।
नेपाली सेनाको प्रमुख सेनानी शिवप्रसाद पौडेलले उनीहरूलाई गएराति साढे नौ बजे खरिपाटीमा राखिएको जानकारी दिए।
२३ जनामध्ये ९ जना महिला छन्। उनीहरू काँकडभिट्टाबाट बसमा काठमाडौं आएका थिए।
प्रमुख सेनानी पौडेलले अधिकांश विद्यार्थी रहेको जानकारी दिए।
योसँगै खरिपाटी क्वारेन्टाइनमा ९६ जनालाई राखिएको छ। यसअघि विभिन्न देशबाट आएका ७३ जना नेपालीलाई क्वारेन्टाइनमा राखिएको थियो।
क्वारेन्टाइनमा रहेकाको परीक्षण गर्ने वा नगर्ने भन्ने टुंगो लागेको छैन।
कसैमा लक्षण देखिए मात्र परीक्षण गरिने भनिएको छ।