कपिलवस्तुमा शनिबार ४८ जना कोरोना संक्रमित थपिएका छन्। अब कपिलवस्तुमा संक्रमित संख्या पाँच सय २३ पुगेको छ।
शुक्रबारसम्म संक्रमितको संख्या चार सय ७५ थियो।
जिल्ला स्वास्थ्य कार्यालय कपिलवस्तुका अनुसार शनिवार महराजगंज र बुद्धभूमि नगरपालिका तथा यशोधरा र विजयनगर गाउँपालिकाका संक्रमित थपिएका हुन्।
राष्ट्रिय जनस्वास्थ्य प्रयोगशाला टेकुमा गरिएको कोरोना परीक्षणअनुसार महाराजगन्ज नगरपालिकाका चार वर्षीय बालकदेखि ४६ वर्षका ३१ जना पुरुष तथा छ वर्षीया बालिकादेखि ५५ वर्षसम्म ६ जना महिला गरी ३७ जनामा संक्रमण पुष्टि भएको हो।
त्यस्तै बुद्धभुमी नगरपालिका वडा नम्बर ५ का दुई जना र वडा नम्बर ६ का दुई जना गरी चार जनामा कोरोना पोजेटिभ देखिएको छ।
यशोधरा गाउँपालिका वडा नम्बर ७ का एक जना महिला र एकजना पुरुषमा कोरोना पुष्टि भएको छ।
विजयनगर गाउँपालिका वडा नम्बर ६ का तीनजना तथा वडा नम्बर ३ र ५ का एक/एक जनामा संक्रमण पुष्टि भएको कोरोना फोकल पर्सन कुमार थापाले जानकारी दिए।
उनीहरु १९ देखि ४८ वर्ष उमेर समूहका रहेका छन्।