सिराहाको ट्याक्टरको ठक्करबाट मोटरसाइकल चालकको मृत्यु भएको छ।
मंगलबार दिउँसो सवा तीन बजे कर्जन्हा नगरपालिका-४ बस्तीपुरस्थित पूर्व-पश्चिम राजमार्गमा ट्याक्टर र मोटरसाइकल आपसमा ठोक्किएका थिए।
पश्चिमबाट पूर्वतर्फ जाँदै गरेको स.१त.७४०२ नम्बरको ट्याक्टर र विपरीत दिशाबाट जाँदै गरेको स.४ प.७२१० नम्बरको मोटरसाइकल आपसमा ठक्कर खाएका थिए।
उक्त दुर्घटनामा मोटरसाइकल चालक मिर्चैया नगरपालिका-३ बस्ने २१ वर्षीय देविन्द्र यादवको अस्पताल लग्ने क्रममा बाटोमा मृत्यु भएको जिल्ला प्रहरी कार्यालय सिराहाले जनाएको छ।
मोटरसाइकल पछाडि सवार धनुषाधाम बस्ने वर्ष २३ को बालकृष्ण यादव घाइते छन्। घाइतेको उपचारका लागि फूलकुमारी मेमोरियल अस्पताल कर्जन्हा पठाइएको छ।
प्रहरीले दुवै सवारीसाधनलाई नियन्त्रणमा लिएको छ। ट्याक्टर चालक भने फरार छन्।