प्रहरीले अभद्र व्यवहार गरेको आरोपमा पूर्व प्रहरी वरिष्ठ उपरीक्षक (एसएसपी) लोकेन्द्रबहादुर मल्ललाई पक्राउ गरेको छ।
जिल्ला प्रहरी कार्यालय मकवानपुरले मल्ललाई आइतबार पक्राउ गरेको प्रहरी नायब उपरीक्षक (डिएसपी) अमरप्रसाद गजमेरले जानकारी दिए।
आफ्नै उद्योगमा काम गर्ने महिलामाथि अभद्र व्यवहार गरेपछि ती महिला प्रहरी कार्यालय पुगेकी थिइन्।
'उनीविरूद्ध जाहेरी आएपछि हामीले उहाँलाई बोलाएका थियौं। छलफल भयो र पछि हामीले उनीमाथि अभद्र व्यवहार मुद्दा चलायौं,'डिएसपी गजमेरले भने।
उनीमाथि थप अनुसन्धान गर्न प्रहरीले जिल्ला प्रशासन कार्यालय मकवानपुरबाट सात दिन हिरासतमा राख्न अनुमति लिएको छ। उनी रिद्धीसिद्धी सिमेन्ट उद्योगका महाप्रबन्धक हुन्।
