काठमाडौंको सिनामंगलस्थित काठमाडौं मेडिकल कलेजले १५ सयमै पीसीआर परीक्षण गर्ने भएको छ।
नेपालमा कोरोना संक्रमण पुनः बढ्न थालेसँगै परीक्षण गर्ने पनि बढेपछि केएमसीले शुक्रबारबाट पीसीआर परीक्षण शुल्क घटाएको हो ।
केएमसीका अध्यक्ष डा. सुनिल शर्माका अनुसार विश्वव्यापी महामारीको रुपमा फैलिएको कोरोना भाइरसको संक्रमण पुनः बढ्न थालेकाले संकटको अवस्थामा सर्वसाधरणलाई केही राहत पुर्याउन पीसीआर परीक्षण शुल्क घटाइएको हो।
सरकारले अहिले पीसीआर परीक्षणको अधिकतम शुल्क दुई हजार तोकेको छ। सरकारले तोकेकोभन्दा पाँच सय रुपैयाँ कम शुल्कमै केएमसीले पीसीआर परीक्षण गर्न थालेको हो।
यसअघि केएमसीले १ हजार ९ सय ९९ मा पीसीआर परीक्षण गर्दै आएको थियो।
यसैबीच पीसीआर परीक्षण गरेर ६ घण्टामै रिपोर्ट दिइनेसमेत केएमसीले जनाएको छ।
यसैबीच सरकारी अस्पतालहरूमा १ हजार रूपैयाँमै पीसीआर परीक्षण हुँदै आएको छ।