दाङको तुलसीपुर कारागार (सुधार गृह) भित्र एक जना कैदी मृत फेला परेका छन्।
सल्यानको कपुरकोट गाउँपालिका वडा नम्बर ३ का ४६ वर्षीय खड्ग बुढाथोकी मृत फेला परेको इलाका प्रहरी कार्यालय तुलसीपुरले जानकारी दिएको छ।
तुलसीपुर उपमहानगरपालिका वडा नम्बर ७ स्थित कारागारमा बुढाथोकी आज बिहान ८ बजेतिर मृत फेला परेको प्रहरीले बताएको छ।
बुढाथोकी शनिबार बेलुका खाना खाएर सुतेका थिए।
आज बिहान उठाउँदा नउठेपछि उनी मृत रहेको खुलेको प्रहरीको भनाइ छ।
कारागार शाखाका अनुसार उनी २०६८ असार ११ गतेदेखि कर्तव्य ज्यान मुद्दामा कारागारमा सजाय भोगिरहेका थिए।
उनको स्वास्थ्यमा कुनै समस्या शनिबारसम्म नदेखिएको कारागार प्रशासनले जनाएको छ। उनको शव पोष्टमार्टमका लागि राप्ती प्रादेशिक अस्पताल तुलसीपुरमा पठाइने प्रहरीले जनाएको छ।
-1746009348.jpg)
