ललितपुर महानगरपालिकाबाट सञ्चालित दुई वटा आइसोलेन केन्द्रका लागि प्लेइिङ फर चेञ्ज नेपाल फाउण्डेशनले दुई वटा अत्याधुनिक फोग मेसिन सहयोग गरेको छ।
ललितपुर महानगरपालिकाको सभाहलमा शुक्रबार एक कार्यक्रमबीच फाउण्डेशनका सल्लाहकार बिसन्तर शाक्य, अध्यक्ष ईश्वर बज्राचार्य, उपाध्यक्ष प्रविन बहादुर शाक्य तथा सदस्य सुजन बज्राचार्यले संयुक्त रूपमा मेयर चिरिबाबु महर्जन र उपमेयर गीता सत्याललाई फोग मेसिन हस्तान्तरण गरेका हुन्।
महामारीको यस कठिन समयमा महानगरको कार्यमा हौसला बढाई दिनु भएकोमा धन्यवाद दिए।
कार्यक्रममा मेयर महर्जनले अहिलेसम्म कोरोना महामारीबाट महानगरमा ११९ जनाको मृत्यु भएको जानकारी दिए। उनले महानगरपालिकाले कारोनाबाट मृत्यु भएका, उपचारमा रहेका र आइसोलेसनमा रहेकालाई नगर सहयोग गर्ने घोषणा भइसकेको भन्दै यसका लागि आवश्यक मापदण्ड तयार गरि छिट्टै कार्यान्वयनमा ल्याउने बताए।
कोरोना महामारीको समयमा अत्याधुनिक फोग मेसिनको सहयोगले कोरोना रोकथाममा थप सहयोग हुने मेयर महर्जनले बताए।
उनले यो सामाग्री ललितपुर महानगरकाको सम्पत्तिको रुपमा दर्ता हुने र यसलाई तत्काल ललिपुर महानगरपालिबाट ज्यापू समाज वृद्धाश्रम तथा खोकनामा सञ्चाचालित आइसोलेन केन्द्रमा पठाईने जानकारी दिए।
कार्यक्रममा फाउण्डेशनका अध्यक्ष ईश्वर बज्राचार्यले महामारीको बेला आइसोलेसन नपाएर मानिसले कष्ट भोग्नुपरिरहेको स्थितिलाई मध्यनजर गरि महानगरले आइसोलेसन कक्ष सञ्चालन गरि मानवीय जीवन रक्षा गर्ने कार्य गरिरहेकोमा हाम्रो फाउण्डेनको तर्फबाट पनि अत्यावश्यक फोग मेसिन सहयोग गर्न पाएकोमा खुशी लागेको बताए।
कोरोनाको महामारीको विषम परिस्थितिमा नेपालमा नै पहिलो पटक चीनमा निर्मित अत्याधुनिक सेनिटाइज गर्ने फोग मेसिन महानगरपालिकालाई सहयोग गर्न पाउँदा खुशी लागेको बज्राचार्यले बताए।
