झापामा ८८ बोरा मकैसहित ट्र्याक्टरलाई प्रहरीले नियन्त्रणमा लिएको छ।
गौरीगञ्ज गाउँपालिका-२ आँपगाछीमा भारतबाट नेपाल आउँदै गरेको मे १ त ७११० नम्बरको ट्र्याक्टरलाई मंगलबार बिहान नियन्त्रणमा लिएको डिएसपी खगेन्द्रप्रसाद रिजालले जानकारी दिए।
अवैध रूपमा भारतबाट ल्याएको मकै प्रहरीले बरामद गरेको हो।
गस्ती गएको टोलीले चालकलाई पक्राउ गर्न खोज्दा फरार भएका थिए। जाँच गर्दा ८८ बोरा मकै फेलापरेपछि ट्र्याक्टरसहित नियन्त्रणमा लिइएको हो।
प्रहरीले मकैसहितको ट्र्याक्टर थप अनुसन्धानका लागि मेची भन्सार कार्यालय काँकडभिट्टामा बुझाएको छ।
