नेपाली कांग्रेसका सभापति शेरबहादुर देउवाका छोरा जयवीरसिंह देउवाले इन्गेजमेन्ट गरेका छन्।
पारिवारिक स्रोतका अनुसार काठमाडौंमा गत जेठ १ गते दुई परिवार र केही साथीहरू उपस्थित समारोहमा जयवीरले शिवाना श्रेष्ठसँग इन्गेजमेन्ट गरेका हुन्। जयवीर र शिवाना दुबै छुट्टाछुट्टै व्यवसायमा संलग्न छन्।
देउवाको पारिवारिक स्रोतका अनुसार जयवीर र शिवानाबीच माघमा बिहे गर्ने तयारी छ।
‘अहिले औंठी साटासाट गरिएको हो। सानो समारोहमा इन्गेजमेन्ट गरिएको हो। बिहे माघमा गर्ने कुरा छ’, स्रोतले भन्यो, ‘इन्गेजमेन्ट समारोहमा दुबै परिवारका सदस्यहरू उपस्थित थिए।’
जयवीरसिंह शेरबहादुर-आरजु दम्पतीका एक्ला सन्तान हुन्।
