काठमाडौंको सोह्रखुट्टेस्थित इटरनल लाइट पब्लिक स्कुल(इलिप्स) को छात्रावासमा एक छात्र मृत फेला परेका छन्।
नेत्रावती डबजोङ गाउँपालिका-५ धादिङका १२ वर्षीय अभिषेक तामाङ गएराति २ बजे मृत फेला परेका हुन्।
उनी इलिप्समा कक्षा पाँचमा पढ्दै थिए।
अभिषेकका आफन्त पूर्णमायाले अभिषेक आफ्नै कोठामा झुण्डिएको अवस्थामा मृत फेला परेको खबर बिहान पाएको थियो। 'अहिले हामी विद्यालयमै छौं,' उनले भनिन्।
अहिले अभिषेकको शव पोस्टमार्टमका लागि त्रिवि शिक्षण अस्पताल लगिएको छ।
जिल्ला प्रहरी परिसरका प्रवक्ता एसपी सिताराम रिजालले घटनाबारे बुझिरहेको जानकारी दिए।
