वीरगञ्जको शंकराचार्यद्वारलाई उज्यालो र आकर्षक बनाउन वरिपरि जडान गरिएको बिजुली बत्ती चोरी गरेको आरोपमा एक जनालाई प्रहरीले पक्राउ गरेको छ।
प्रहरी चौकी इनर्वाबाट खटिएको टोलीले बत्ती चोरी गरेर लैजाँदै गरेको अवस्थामा वीरगञ्ज महानगरपालिका-१ छपकैयाँका अरमान अलीलाई पक्राउ गरेको हो।
वीरगञ्ज महानगरपालिकाले जडान गरेको बत्ती गएको शुक्रबार राति चोरी भएको थियो।
पक्राउ परेका अलीलाई वडा प्रहरी कार्यालय विर्तामा राखेर अभद्र व्यवहार कसूरमा मुद्दा चलाइएको पर्साका प्रहरी नायब उपरीक्षक कुमारबिक्रम थापाले जानकारी दिए।
यसअघि घण्टाघर सौन्दर्यकरणमा प्रयोग भएको बत्ती चोरी भएको थियो। सो घटनामा संलग्न भएको आरोपमा २ जनालाई प्रहरीले पक्राउ गरी कारबाही गरिसकेको छ।
