डोटीमा यात्रुबाहक जीप दुर्घटनामा परेको छ।
सायल गाउँपालिकाबाट सिलगढी आउँदै गरेको रा १ ज ९१५ नम्बरको जीप शुक्रबार दिउँसो पानीखालमा सडकमै पल्टिएको जिल्ला प्रहरी कार्यालय डोटीले जनाएको छ।
जीप दुर्घटनामा परी ७ जना सामान्य घाइते भएका छन्। दुर्घटनापश्चात चालक फरार छन्। उनको खोजी भइरहेको प्रहरीले जनाएको छ।
घाइते भएका ७ जनाको जिल्ला अस्पताल डोटीमा उपचार भइरहेको र उनीहरूको अवस्था सामान्य रहेको प्रहरीले जानकारी दिएको छ।
जीप अनियन्त्रित भएर सडकमा पल्टिएको प्रहरीको अनुमान छ।
यस विषयमा प्रहरीले थप अनुसन्धान गरिरहेको छ।
