भरतपुरमा निर्माणाधीन छ लेन सडकको खाल्डोमा एक व्यक्तिको शव फेला परेको छ।
भरतपुर-१० भाटभटेनी सुपरमार्केट नजिकैको खोल्सोमा दिउँसो साढे १ बजे शव भेटिएको हो।
मृत व्यक्ति भरतपुर-१० बस्ने अन्दाजी ४५ वर्षका प्रकाश आले मगर रहेको जिल्ला प्रहरी कार्यालय चितवनका डिएसपी विजयराज पंडितले जानकारी दिए।
मृत व्यक्ति शारीरिक अपांगता भएको व्यक्ति रहेको र नाला तर्ने क्रममा खसेको हुनसक्ने प्रहरीको अनुमान छ।
उनी घोप्टो परेको र अनुहार पानीमा डुबेको अवस्था भेटिएका थिए। उनले मदिरा सेवन गरेको हुनसक्ने आशंका पनि प्रहरीको छ।
प्रहरीले घटनाको अनुसन्धान सुरू गरेको छ। शव पोष्टमर्टमका लागि भरतपुर अस्पतालमा पठाइएको छ।
