नेपाल किक्रेट संघ (क्यान) ले टी-२० विश्वकप एसिया छनोटको फाइनल खेलको टिकट बिक्रीबाट उठ्ने रकमको ५० प्रतिशत भूकम्प पीडितलाई दिने घोषणा गरेको छ।
आइतबार नेपाल र ओमानले एसिया छनोटको फाइनल खेल्दैछन्। उक्त खेलको टिकट बिक्रीबाट उठेकोबाट आधा रकम जाजरकोट र रूकुम पश्चिमका भूकम्प पीडितलाई दिने क्यानले घोषणा गरेको हो। टिकटको मूल्य ३०० रुपैयाँ रहेको छ।
फाइनल खेल बिहान ११ बजेदेखि त्रिवि क्रिकेट मैदान कीर्तिपुरमा हुनेछ।
