कैलालीमा महिलामाथि बलात्कार गरेको आरोपमा एक जना पक्राउ परेका छन्।
जिल्ला प्रहरी कार्यालय कैलालीका प्रहरी प्रवक्ता प्रहरी नायव उपरीक्षक कुलदिप चन्दका अनुसार लम्कीचुहा नगरपालिका–३ ढुंगे बजारकी ३० वर्षीया महिलामाथि जबरजस्ती करणी गरेको आरोपमा एक जना पुरूषलाई पक्राउ गरेको छ। ती महिला मानसिक रूपमा अस्वस्थ छिन्।
पक्राउ पर्नेमा सोही ठाउँका स्थानीय ४५ वर्षीय प्रकाश जैसी छन्।
जैसीमाथि ती महिलालाई घरमा कोही नभएको मौका छोपी बुधबार साँझ बलात्कार गरेको आरोप छ।
उक्त घटनाबारे जानकारी प्राप्त भएपछि प्रहरीले उनलाई पक्राउ गरेर घटनाबारे थप अनुसन्धान अघि बढाएको डिएसपी चन्दले जानकारी दिए।
