अनलाइन जुवा खेलाएको आरोपमा एक जना पक्राउ परेका छन्।
काठमाडौं उपत्यका अपराध अनुसन्धान कार्यालयले अनलाइन जुवा खेलाएको आरोपमा एक जनालाई सोमबार पक्राउ गरेको एसपी रविन्द्र रेग्मीले जानकारी दिए।
काठमाडौं कागेश्वरी मनोहरा नगरपालिका-७ बस्ने २६ वर्षीय आकाश रेग्मी पक्राउ परेका हुन्।
उनले अनलाइन क्यासिनो गेम लगायतमार्फत बाजी राख्न लगाएर हारजित हुने गरी सट्टेबाजी खेलाएको आरोप छ। यसको गोप्य सूचना प्रहरीले पाएपछि उनलाई पक्राउ गरिएको थियो।
उनीबाट प्रहरीले तीन सय अमेरिकी डलर, २ लाख २४ लाख रुपैयाँ, आइफोन, हार्डड्राइभ, मोबाइल लगायत सामान बरामद भएको छ। प्रहरीले उनीमाथि थप अनुसन्धान अघि बढाएको छ।
-1701171452.JPG)
