तनहुँको व्यास नगरपालिका–१४ स्थित रूम्सीमा मंगलबार अजिंगर फेला परेको छ।
स्थानीयवासीले करिब चार मिटर लम्बाइ भएको अजिंगर फेला पारेका हुन्।
स्थानीयले उक्त अजिंगर डिभिजन वन कार्यालय तनहुँमा बुझाएका छन्।
डिभिजन वन कार्यालय तनहुँका सहायक वन अधिकृत काशीराज पण्डितका अनुसार अजिंगरलाई वन कार्यालयमा सुरक्षित रूपमा राखिएको छ।
घाइते अवस्थामा रहेको अजिंगरलाई सुरक्षित स्थानमा छाडिने उनले बताए।
'अजिंगरको ढाडमा चोट छ। केही दिनमा उक्त अजिंगरलाई सुरक्षित स्थानमा छाड्छौं,' उनले भने।
