नाबालिग बलात्कारका प्रतिवादीलाई भोजपुर प्रहरीले ७ वर्षपछि पक्राउ गरेको छ।
जिल्ला प्रहरी कार्यालय, भोजपुरले बुधबार २६ वर्षीय सुन्दर राईलाई पक्राउ गरेको डिएसपी सुदीप पाठकले जानकारी दिए।
रामप्रसाद राई गाउँपालिका-१ बैकुण्ठे बस्ने सुन्दरलाई प्रहरीले सोही गाउँपालिकाको वडा नम्बर १ स्थित ओख्रेबाट पक्राउ गरेको हो।
डिएसपी पाठकका अनुसार सुन्दरले २०७३ असोज १९ गते राति ८ वर्षीया नाबालिगमाथि बलात्कार गरेका थिए।
घटनापछि उनी फरार थिए।
गत वर्ष माघ १८ गते जिल्ला अदालतले उनलाई ५ वर्ष जेल सजाय सुनाएको थियो।
