काठमाडौंमा सुर्तीजन्य पदार्ग बेचबिखन गरे पसल समेत बन्द गर्ने भन्दै महानगरपालिकाले चेतावनी दिएको छ।
बुधबार काठमाडौं महानगरपालिकाले गरेको पत्रकार सम्मेलनमा बोल्दै नवीन मानन्धरले सुर्तीजन्य पदार्थ बेच्न नपाइने बताएका छन्।
पसलमा बेचेको पाइएमा दुई पटक सम्मलाई सामान जफत गरिने उनले बताए।
तर तेस्रो पटक पनि बेचेको पाएमा भने पसल नै बन्द गरिने प्रवक्ता मानन्धरले जानकारी दिए।
‘दुई पटक सम्म बेचेको भेटिए सामान जफत, तेस्रो पटक पनि बिक्री गरेको पाइए पसल नै बन्द गर्न सक्छौं,’ उनले भने।
महानगरपालिकाले काठमाडौंमा बिहीबारदेखि सुर्तिजन्य पदार्थ बेच्न निषेध गरेको छ। महानगरले यसबारे केही समय अगाडि नै सूचना निकालेर यसबारे जानकारी गराएको थियो।
अनुगमनको लागि महानगरपालिकाले सादा पोशाकमा नगर प्रहरीलाई खटाउने पनि प्रवक्ता मानन्धरले बताए।
यस्तै महानगरपालिकाले सार्वजनिक स्थलको एक सय मिटर वरिपरि चुरोट बेच्न र धुमपान गर्न पनि प्रतिबन्ध लगाएको छ। सार्वजनिक स्थलमा धुमपान गरेको पाइएमा त्यहाँबाट निकालिने र एक सय रुपैयाँसम्म जरिवाना गरिने महानगरले जनाएको छ।
-1702463179.jpg?timestamp=1702463179793)
