मधेश प्रदेशको प्रदेश जनस्वास्थ्य प्रयोगशालाले करारमा नवौंदेखि चौथो तहसम्मका कर्मचारी मागेको छ।
शुक्रबार सूचना प्रकाशन गर्दै जनस्वास्थ्य प्रयोगशालाले कन्सलटेन्ट प्योथोलोजिस्ट, मेडिकल ल्याब टेक्नोलोजिस्ट, माइक्रोबायोलोजिस्ट, ल्याब टेक्निसियन र ल्याब असिस्टेन्ट पदमा करारमा कर्मचारी मागेको हो।
उसले आवश्यक कर्मचारीको संख्या भने खुलाएको छैन।
कन्सल्टेन्ट प्याथोलोजिस्टका लागि एमबिबीएस वा सो सरह उत्तीर्ण गरी जनरल प्याथोलोजी विषयमा स्नातकोत्तर तह उत्तीर्ण र नेपाल मेडिकल काउन्सिलमा दर्ता भएको हुनुपर्ने योग्यता तोकिएको छ।
अन्य पदका लागि पनि विभिन्न योग्यता तोकिएको छ।
योग्यता पुगेका इच्छुक व्यक्तिहरूले मधेश रक्त सञ्चार सेवा जनकपुरधाममा उपस्थित भएर दरखास्त दिन सक्नेछन्।
करार अवधि २०८१ असार मसान्तसम्म रहनेछ।
