काठमाडौं र ललिपुरका विभिन्न स्थानमा आज पाँच घन्टा विद्युत् अवरूद्ध हुने भएको छ।
नेपाल विद्युत् प्राधिकरणका अनुसार काठमाडौंको महाराजगञ्ज वितरण केन्द्रको हेपली फिडर अन्तर्गत पर्ने हेपाली हाइट, देउराली जनता, कुवर कोलोनी, कृष्ण मन्दिर हुँदै ग्रीनल्याण्ड चोक, इशान हस्पिटल क्षेत्रमा विद्युत् अवरूद्ध हुनेछ।
ती क्षेत्रमा अन्डरग्राउन्ड प्रोजेक्टको काम हुने भएकाले आज बिहान साढे ८ बजेदेखि दिउँसो साढे २ बजेसम्म विद्युत् अवरूद्ध हुने प्राधिकरणका प्रवक्ता सुरेश बहादुर भट्टराईले जानकारी दिए।
त्यस्तै ललितपुरको पुल्चोक वितरण केन्द्रको रिङरोड फिडर अन्तर्गत पर्ने नख्खु चोक, बागडोल, धोबिधारा, मलपोखरी, धोबीघाट, नयाँबाटो, सनराइज टावर, आफल्डोल एरियामा पनि आज पाँच घन्टा विद्युत् अवरूद्ध हुने प्राधिकरणले जनाएको छ।
फिडर सटडाउनमा राखी टेकु सबस्टेशन १३२ केभीमा स्तरोन्नती गरिने भएकाले ललितपुरका ती क्षेत्रमा आज बिहान ९ बजेदेखि दिउँसो १ बजेसम्म बत्ती नआउने प्राधिकरणले जनाएको छ।
समयअगावै काम सकिएको खण्डमा विद्युत् सेवा सुचारू हुने प्राधिकरणले जनाएको छ।
