कोरियन भाषा परीक्षाका विषयमा भएको प्रदर्शनमा क्रममा मृत्यु भएका दैलेखका सुजन राउतका आफन्तले सरकारले आफूहरूको पीडा नदेखेको बताएका छन्।
शनिबार बिहान किष्ट अस्पताल पुगेका कांग्रेस सांसद उदयशमशेर राणासँगको कुराकानीमा सरकारले आफूहरूको चित्कार नसुनेको बताएका हुन्।
‘घटना भएको यतिका समय भइसक्यो, सरकार र सम्बन्धित व्यक्तिहरूले हामीसँग सम्पर्क र छलफल गरेको छैन,’मृतकका मामा टेकबहादुर कटुवालले सांसद जबरालाई भने।
उनीहरूले सरकारले छलफल नगरेसम्म अस्पतालबाट मृतकको शव नबुझ्ने बताएका छन्। घटनाबारे छानबिन गरी दोषीलाई कारबाही गर्नुपर्ने माग गरेका छन्।
मृतकका आफन्तहरूले आफ्नो कुरा सरकारसम्म पुर्याइदिन सांसद जबरालाई आग्रह गरेका छन्। नभए आफूहरू आन्दोलनमा उत्रिने चेतावनी दिएका थिए।
राणाले यसमा आफूले सरकार र सम्बन्धित निकायसँग कुरा गर्ने जवाफ दिएका छन्। 'आन्दोलनले मात्रै समस्याको समाधान हुँदैन, सरकार र सम्बन्धित निकायमा म कुरा राख्छु' उनले भने।
शुक्रबार बालकुमारीमा भौतिक पूर्वाधारमन्त्रीको प्रकाश ज्वालाको गाडी जलाएपछि उग्र बनेपछि प्रहरीले प्रदर्शनकारीमाथि अश्रु ग्यास, लाठी र गोलीसमेत चलाएको थियो।
सुजन सडकमा ढलेको भेटिएपछि उनका साथीहरूले उनलाई किष्ट अस्पताल पुर्याएका थिए। किस्टमा दिउँसो २ बजे उनको मृत्यु भएको थियो।
मृतकका आफन्तहरू शनिबार बिहानैदेखि नै अस्पतालमा छन्।
