सिन्धुलीमा एक जना महिलाको शव फेला परेको छ।
मंगलबार बिहान साढे ३ बजे कमलामाई नगरपालिका-५ आहाले बसन्तेमा ३८ वर्षीया साबित्री तोलाङ्गेको शव फेला परेको जिल्ला प्रहरी कार्यालय सिन्धुलीका डिएसपी चिरन्जीवी दाहालले जानकारी दिए।
साबित्री सोमबार दिउँसो १ बजे घरमा कसैलाई नभनी हिँडेकी थिइन्। राति सम्म पनि नफर्किएपछि श्रीमान केशव उनको खोजी गर्न निस्किएका थिए।
खोजी गर्नेक्रममा घरदेखि अन्दाजी ८ सय मिटर पूर्वमा रहेको एक गोठमा राखेको परालमा मृत अवस्थामा फेला परेकी हुन्।
प्रहरीले घटनाको अनुसन्धान गरिरहेको छ। शव पोष्टमर्टमको लागि सिन्धुली अस्पताल पुर्याइएको छ।
