रोमानिया पठाइदिन्छु भन्दै २१ लाख ३६ हजार रूपैयाँ ठगेको आरोपमा एक जना पक्राउ परेका छन्।
दोलखा घर भई काठमाडौं महानगरपालिका २४ बस्ने ५० वर्षीय ढालबहादुर बुढाथोकी पक्राउ परेका हुन्।
उनलाई काठमाडौं उपत्यका अपराध अनुसन्धान कार्यालयको टोलीले बुधबार दिउँसो असनबाट पक्राउ गरेको हो।
अपराध अनुसन्धान कार्यालयको प्रवक्ता सुचना अधिकारी रविन्द्र रेग्मीका अनुसार उनी विरूद्ध मिलन नेपाली सहित १४ जनाले वैदेशिक रोजगार विभागमा उजुरी दिएका छन्।
उनीहरूलाई वैदेशिक रोजगारीका लागि रोमानिया पठाइदिन्छु भन्दै प्रतिव्यक्ती ६ लाखसम्म लिएको उजुरी छ। सोही उजुरीको आधारमा उनलाई पक्राउ गरिएको प्रवक्ता रेग्मीले जानकारी दिए।
पक्राउ गरेको बुढाथोकीलाई थप अनुसन्धान तथा कारवाहीका लागि वैदेशिक रोजगार विभाग ताहाचल पठाइएको छ।
-1704283638.JPG)
