तनहुँमा गाडी दुर्घटना हुँदा १२ जना घाइते भएका छन्।
वीरगञ्जबाट पोखरा जाँदै गरेको ग १ ज ६३५६ नम्बरको बोलेरो जिप आज बिहान पौने १० तनहुँको भिमाद नगरपालिका-५ बरालथुम्की मोडबाट खसेर दुर्घटना भएको हो।
इलाका प्रहरी कार्यालय भिमादका इन्चार्ज प्रहरी निरीक्षक उदयराज पौडेलका अनुसार जिपमा सडकबाट करिब डेढ सय मिटर तल खसेको छ।
जिपमा चालकसहित सबै १२ जना यात्रु घाइते भएको र उनीहरूलाई उद्धार गरी उपचारका लागि अस्पताल पठाइएको इन्स्पेक्टर पौडेलले जानकरी दिए।
घाइतेमध्ये चार जनालाई गण्डकी अस्पताल पोखरा पठाइएको र केहीलाई जिपी कोइराला श्वासप्रश्वास अस्पतालमा पठाइएको इन्स्पेक्टर पौडेलले जानकारी दिए।
