सुगर रोगलाई सामान्य भाषामा चिनी रोग भनेर बुझिन्छ जसलाई मधुमेह पनि भनिन्छ। रगतमा अत्यधिक मात्रामा सुगरको लेभल बढ्ने गर्छ। पहिलो कुरा सुगर वंशाणुगत पनि हुन्छ।
यदि व्यक्तिमा मुख सुक्ने, बारम्बर पिसाब लाग्ने, बढी भोक लाग्ने, दुब्लाउँदै जाने समस्या भएमा सुगर हुन सक्छ। लक्षण सबैमा हुनुपर्छ भन्ने छैन। त्यसैले नियमित स्वास्थ्य जाँच गर्नुपर्छ। कम्तीमा पनि ३० वर्ष माथिकाले वर्षमा एकचोटि सुगर जाँच गर्दा राम्रो हुन्छ।
सुगरको उपचार धेरै हुन्छ। प्रिडाइबिटिज छ भने आफ्नो जीवनशैलीमा परिवर्तन गर्नुपर्छ।
धेरै मात्रामा खाना नखाने, दैनिक व्यायाम गर्ने, चिनीको मात्रा कम खाने, वजन धेरै छ भने कम गर्ने।
तर एकचोटि सुगर लागेपछि औषधि नै हुन्छ मुख्य उपचार विधि। सँगसँगै धेरै नै सुगर छ भने टाइप वान भन्ने डाइबिटिज हुन्छ जहाँ इन्सुलिनको मात्रा नै हुँदैन शरीरमा। त्यस्तो छ भने इन्सुलिन लिएर उपचार गर्न सकिन्छ। एकचोटि सुगर भइसकेपछि घरेलु उपचारले मात्र निको हुन सम्भव हुँदैन। औषधि प्रयोग गर्नैपर्छ।
सुगर बढ्दा मिर्गौला, मुटु र नसामा समेत असर गर्छ।
सुगरको उपचार सामान्यतया महँगो नै हुन्छ। कुनै कुनै औषधि सस्तो पनि हुन्छ। जुन सामान्य मान्छेले पनि उपचार गर्न सक्छ। तर अहिले महँगो औषधि आएको छ। त्यसैले सुगर रोग खर्चिलो नै हुन्छ।
अहिले जुनसुकै उमेरका व्यक्तिलाई पनि सुगर देखिने गरेको छ। पहिला/पहिला ४० वर्ष कटेकालाई मात्र सुगर देखिन्थ्यो भने अहिले युवा अवस्थाका व्यक्तिहरूलाई पनि सुगर देखिन थालेको छ।
सुगर रोगका बिरामीले साधारण खाना खाँदा हुन्छ। तर मैदा खानुहुँदैन। सफ्ट ड्रिंक कोकाकोला, फान्टा खानुहुँदैन। आँटा, मकै, जौंबाट बनेका खाना खानुपर्छ।
सुगर रोग लागेका व्यक्तिले मात्र होइन सामान्य व्यक्तिले पनि आफ्नो स्वास्थ्यमा लापरबाही गर्नुहुन्न।
