काठमाडौंको क्यासिनो प्यालेसबाट प्रहरीले ९ जनालाई पक्राउ गरेको छ।
बिहीबार राति दरबारमार्गस्थित क्यासिनो प्यालेसबाट ९ जनालाई पक्राउ गरेको जिल्ला प्रहरी परिसर काठमाडौंका एसएसपी भूपेन्द्र खत्रीले जानकारी दिए।
अनलाइन बेटिङ खेलाइरहेको सूचनापछि प्रहरीले उनीहरूलाई पक्राउ गरेको हो।
उनका अनुसार पक्राउ पर्नेमा तीन जना भारतीय नागरिक छन्। ६ जना भने नेपालीहरू छन्।
प्रहरीले उनीहरूबाट ९६ लाख रुपैयाँ बरामद गरेको छ। परिसरले यस सम्बन्धी थप अनुसन्धान अघि बढाएको छ।
