संघीय संसदका कार्यवाहक महासचिव पद्मप्रसाद पाण्डेयले पदबाट राजीनामा दिएका छन्।
पाण्डेयले मंगलबार राजीनामा दिएका हुन्।
उनको राजीनामा राष्ट्रपति रामचन्द्र पौडेलले स्वीकृत गरिसकेका छन्।
राष्ट्रपति कार्यालयकी प्रवक्ता शैलजा रेग्मी भट्टराईले कार्यवाहक महासचिव पाण्डेयको राजीनामा राष्ट्रपतिले स्वीकृत गरेको बताइन्।
पाण्डेयले संघीय संसदका महासचिव, प्रतिनिधि सभाका सचिव तथा राष्ट्रिय सभाका सचिवको पारिश्रमिक, सेवाको शर्त र सुविधासम्बन्धी ऐन, २०७५ को दफा ६ को खण्ड (क) बमोजिम प्रतिनिधि सभाको सचिव पदबाट मंगलबार राजीनामा दिएका थिए।
आजकै मितिदेखि लागू हुने गरी राष्ट्रपति पौडेलले पाण्डेयको राजीनामा स्वीकृत गरेका हुन्।
