मोरङमा १७ वर्षीया नबालिकामाथि बलात्कार गरेको आरोपमा एक जना पक्राउ परेका छन्।
उर्लाबारी नगरपालिका-५ मिलनचोक बस्ने ४१ वर्षीय रविन गुरूङ पक्राउ परेका हुन्।
उनलाई इलाका प्रहरी कार्यालय उर्लाबारीबाट खटिएको टोलीले आइतबार पक्राउ गरेको हो।
गुरूङले ती किशोरीलाई प्रलोभनमा पारी उर्लाबारी नगरपालिका-४ स्थित होटलमा लगेर बलात्कार गरेको उजुरी छ।
सोही उजुरीको आधारमा उनलाई पक्राउ गरिएको प्रहरीले जनाएको छ। यस घटनामा प्रहरीले थप अनुसन्धान गरिरहेको छ।
