सरस्वती पुजाको मूर्ति विसर्जन गर्नेक्रममा दुई समुदायबीच भएको झडपपछि लगाएको कर्फ्यू आदेश आजदेखि हट्ने भएको छ।
प्रमुख जिल्ला अधिकारी हिरालाल रेग्मीले बुधबार साँझ ५ बजेदेखि लागु हुने गरी इशनाथ नगरपालिकाका ६ वटा वडामा लगाइएका कर्फ्यु आदेश हटाइएको जानकारी दिएका छन्।
शनिबार साँझ ५ बजेदेखि २, ३, ४, ५, ६ र ७ नम्बर वडामा कर्फ्यू आदेश जारी थियो।
कर्फ्यू आदेश जारी गरी सरस्वतीको मूर्ति विसर्जन गरेपछि स्थिति सामान्य बनेसँगै कर्फ्यू आदेश हटाइएको हो।
