कैलालीमा यात्रुबाहक बसकाे ठक्करबाट एक जनाकाे मृत्यु भएको छ।
बुधबार बिहान गोदावरी नगरपालिका-६ का ४० वर्षीय नन्दराम चौधरीको मृत्यु भएको प्रहरीले जनाएको हाे।
मोटरसाइकलमा पछाडि सवार उनको बसकाे ठक्करबाट मृत्यु भएको हाे।
मोटरसाइकल चालक गोदावरी-८ का ३० वर्षीय देवराज जोशी घाइते छन्।
पूर्वबाट पश्चिमतर्फ आइरहेको बा ५ ख १४१० नम्बरको बसले विपरीत दिशाबाट गइरहेको सुप प्र ०१ ०११ प ४२५४ नम्बरको मोटरसाइकललाई ठक्कर दिएको थियो।
दुर्घटनामा गम्भीर घाइते चाधैरीको सेती प्रादेशिक अस्पतालमा उपचारका क्रममा मृत्यु भएको इलाका प्रहरी कार्यालय मालाखेतीले जनाएको छ। घाइते जोशीको पदमा अस्पताल अत्तरियामा उपचार भइरहेको र उनको अवस्था मध्यम रहेको जनाइएको छ।
बस चालक हेटौंडाका ३५ वर्षीय रामशरण घर्तीलाई इलाका प्रहरी कार्यालय मालाखेतीले बस हित नियन्त्रणमा लिएको छ।
घटनाबारे थप अनुसन्धान भइरहेको प्रहरीले जनाएको छ।
-1746009348.jpg)
