सर्लाहीमा हत्या गरिएका वन रक्षक रामईश्वर महतोको टाउको झाडीमा फेला परेको छ।
आइतबार मध्यान्ह १२:४५ बजे घटनास्थलदेखि १०० मिटर उत्तरमा रहेको झाडीमा टाउको फेला परेको जिल्ला प्रहरी कार्यालय सर्लाहीका डिएसपी सरोज राईले जानकारी दिए।
ईश्वरपुर नगरपालिका–२, राईटरखोरमा वन संरक्षक ४७ वर्षीय रामेश्वरको शरीर शनिबार परियोजना वनमा फेला परेको थियो। चौकादारको रूपमा कार्यरत उनको शव फेला परेपछि प्रहरीले अनुसन्धान अघि बढाएको थियो। शव फेला परेको केही मिटरमा रगत लागेको बञ्चरो समेत फेला परेको थियो।
परिवारका सदस्यहरूका अनुसार रूख काटेको आवाज सुनेपछि उनी शनिबार बिहान ५ बजेतिर घरबाट निस्केका थिए। दिउँसोसम्म परिवार एवं परियोजनाका सहकर्मीको सम्पर्कमा नआएको र फोनसमेत ‘स्वीच अफ’ भएपछि दिउँसो उनको खोजी सुरू गरिएको थियो।
अनुसन्धानका लागि प्रहरीले धनुषाको लालगढस्थित केनल शाखाबाट तालिम प्राप्त कुकुर ल्याई सुरू गरेको थियो।
प्रहरीले घटनामा संलग्न रहेको आशंकामा शनिबार राइटरखोरकै रामवली महतोलाई पक्राउ गरिसकेको छ।
-1746009348.jpg)
