लायन्स क्लब अफ काठमाडौं सूर्यमुखीले धादिङको राष्ट्रिय माविमा पुस्तकालय स्थापना गरेको छ।
लायन मनराम प्रतिष्ठानसँगको सहकार्यमा सूर्यमुखीले बिहीबार धादिङको बेनिघाट रोराङ गाउँपालिका-१० खोरभञ्ज्याङमा रहेको राष्ट्रिय माविमा लायन्स मनराम पुस्तकालय स्थापना गरिएको क्लबका अध्यक्ष विक्रम विश्वकर्माले जानकारी दिए।
पुस्तकालय सीमान्तीकृत चेपाङ समुदायका विधार्थीहरुको अध्ययन तथा पठन पाठनमा विशेष सहयोग पुर्याउने उद्देश्यले स्थापना गरिएको अध्यक्ष विश्वकर्माले बताए।
पुस्तकालयमा विद्यार्थीहरूका लागि उपयोगी हुने करिब ५० हजार रूपैयाँ बराबरको पुस्तक राखिएको छ। साथै लायन्स मनराम प्रतिष्ठानसँगको सहकार्यमा एक लाख बराबरको अक्षय कोषसमेत व्यवस्था गरिएको छ।
पुस्तकालय स्थापनाअघि क्लबका द्वितीय उपाध्यक्ष एवम् धादिङ अस्पतालका कन्सल्टेण्ट एमडीजिपी लायन डा. दिनेश रेग्मीले उक्त कक्षा ९ देखी १२ सम्म अध्ययनरत करिब ६० जना विधार्थीहरुलाई १ घन्टा मानसिक स्वास्थ्यसम्बन्धी अभिमुखीकरण कक्षा समेत लिएका थिए।
बिहीबार नै सूर्यमुखी र बेनिघाट रोराङ गाउपालिकाबीच क्लबले पालिकाभित्र सामाजिक सेवाको क्षेत्रमा दीर्घकालीन रुपमा कार्य गर्ने प्रतिबद्दता सहित मितेरी भिलेज घोषणा समेत भएको छ।
मितेरी साइनो जोडिएपछि सूर्यमुखी पालिकाभित्र सामाजिक कार्यमा जोडिनेछ।
-1746009348.jpg)
