नेपाल शैक्षिक परामर्श संघ(ईक्यान)को अध्यक्षमा लक्ष्मण पौडेल(एन्ड्रियु)निर्वचित भएका छन्।
सोमबार भएको २० औ वार्षिक साधारण सभामा आफ्ना प्रतिसपर्धी दीपकराज भुसाललाई पराजित गर्दै पौडेल निर्वाचित भएका हुन्।
भुसालसँगै उपाध्यक्षमा बासुदेब दाहाल,बिकल्प राज पोखरेल,गिता शिवाकोटी निर्वाचित भएका छन्।
त्यस्तै महासचिवमा भवनाथ हुमागाईं निर्वचित भएका छन् भने सचिवमा सुरज सिलवाल र आशिक कार्की विजयी भएका छन्।
कोषाध्यक्षमा साधना पुडासैनी सह-कोषाध्यक्षमा गोविन्द खनाल निर्वाचित भएका छन्।
सदस्यहरुमा अनन्तराज घिमिरे,उद्धव बन, विवेक बस्नेत, दामोदर शर्मा, अशोक कुमार हाथी, दिनेश पौडेल, सन्जिब पाण्डे, शिवप्रसाद अर्याल र कमल प्रसाद तिमल्सिना छन्।
नयाँ कार्यसमितिले ईक्यान नियमावलीलाई अघि बढाउने र सबै शैक्षिक परामर्शदातालाई दर्ता प्रक्रियामा ल्याउने नवनिर्वाचित महासचिव भवनाथ हुमागाईंले बताए।
उनले अध्ययनका लागि विदेश गएका विद्यार्थीहरुको समस्या समाधानका लागि कुटनीतिक नियोगहरुसँग मिलेर सहजीकारणका लागि सक्रिय रहने समेत बताए।
-1746009348.jpg)
