रेष्टुरेन्टमा जुवा खेलिरहेकाहरूलाई कपिलवस्तु प्रहरीले साढे दुई लाख बढी रकमसहित नियन्त्रणमा लिएको छ।
पक्राउ पर्नेमा रूपेन्देहीको कञ्चन गाउँपालिका– ५ पिपरी चापाका ३५ वर्षीय दिलिप थापा, सोही वडाको भैसाही बस्ने ३२ वर्षीय कमल थापा, सोही वडाको गौडी बस्ने ३३ वर्षीय दिपेन्द्र घर्ती मगर पक्राउ परेका छन्।
त्यस्तै, कपिलवस्तुको वाणगंगा नगरपालिका– १० वनकट्टीका ३५ वर्षीय अर्जुन चौधरी, रेष्टुरेन्ट सञ्चालक सोही वडाको भावपुर बस्ने ३५ वर्षीय दिनेश थारु, वाणगंगा – ३ भकतौलीका ३३ वर्षीय उमेश पोखरेल दुई लाख ५६ हजार दुई सय ९० रुपैयाँ नगदसहित पक्राउ परेका छन्।
जिल्ला प्रहरी प्रवक्ता डिएसपी रिपेन्द्रकुमार सिंहका अनुसार वाणगंगा–१० भानपुरमा दिनेश थारूले सञ्चालन गरेको ‘रोयल सिटी कटेज एण्ड रेष्टुरेन्ट’ मा जुवा खेलिरहेको भन्ने गोप्य सूचनाका आधारमा पुस २७ गते बेलुकी ८ बजेतिर प्रहरीले छापा हानेको थियो।
जिल्ला अदालतले उनीहरूलाई पाँच दिन थुनामा राखेर अनुसन्धान गर्न अनुमति प्रदान गरेको डिएसपी सिंहले बताए।
-1746009348.jpg)
