राप्ती लोकमार्ग अन्तर्गत दाङ–सल्यान कपुरपोट सडकखण्ड माघ ८ गतेदेखि दिउँसोमा बन्द गरिने भएको छ।
मर्मत कार्य चलिरहेको हुँदा माघ ८ गते २५ गतेसम्म १७ दिन सडकखण्ड दिनभर जसो बन्द हुनेछ।
मर्मत कार्य चलिरहेको हुँदा बिहान ११ बजेदेखि हरेक दिन बेलुका ४ बजेसम्म हर्नेटी–कपुरकोट खण्डमा सवारी साधन संचालनमा रोक लगाउने निर्णय भएको सडक डिभिजन कार्यालय दाङका प्रमुख दीपेन्द्र बिष्टले बताए।
बिष्टले बुधबार सार्वजनिक सूचनामार्फत् माघ ८ गतेदेखि २५ गतेसम्म हरेक दिन ५ घन्टा सडकखण्ड बन्द हुने जानकारी दिएका छन्।
साथै, साना र अत्यावश्यक सवारी साधनका लागि वैकल्पिक मार्ग पैंयाखोरीया–सातबास–किमुचौर–कपुरकोट हुँदै यात्रा गर्न सुझाइएको छ।
यो हर्नेटी भन्दा केही दक्षिणबाट कपुरकोट जान मिल्ने साँघुरो बाटो हो। यसमा ठूला सवारी साधन भने संचालन हुन सक्दैनन्।
त्यस्तै, तुलसीपुर–कालीमाटी–लुहाम हुँदै यात्रा गर्न सकिने विकल्प सुझाइएको छ।
-1746009348.jpg)
