सिन्धुलीमा पेट्रोल छर्की आगजनी गरी बुहारीको हत्या गरेको आरोपमा अदालतले सासू र नन्दलाई पुर्पक्षका लागि कारागार पठाउन आदेश दिएको छ।
पुस ६ गते कमलामाई नगरपालिका-४ धुराफाँटकी ३२ वर्षीया सुशीला घिसिङ (बम्जन) लाई प्रेट्रोल छर्की हत्या भएको थियो।
उनको हत्या आरोपमा पक्राउ परेका ५९ वर्षीया सासु मायाँरानी बम्जन र नन्द ३५ वर्षीया मिना बम्जनलाई आइतबार जिल्ला अदालतबाट पुर्पक्षको लागि कारागार पठाउने आदेश दिएको हो।
मृतकका माइतीपक्षले ६५ वर्षीय ससुरा दुर्गामान बम्जनसहित ४ जनाविरूद्ध किटानी जाहेरी दिएको जिल्ला प्रहरी कार्यालय सिन्धुलीका एसपी लालध्वज सुवेदीले जानकारी दिए।
उनका अनुसार सासु, नन्द, सुसुरा सुशिलाको श्रीमानविरूद्ध माइतीपक्षले जाहेरी दिएका थिए।
‘आगजनीले दुर्गामान पनि घाइते छन्। उनले निभाउन जाँदा घाइते भएको भनेका छन्,’ एसपी सुवेदीले भने।
मृतक मिनाका श्रीमान कोरियामा छन्।
-1766471438.jpg)
-1746009348.jpg)
