रोटरी इन्टरनेशनलले यस वर्षको ‘गोपाल–कमला राजभण्डारी रोटरी अवार्ड’ पानी, सरसफाइ तथा स्वच्छता क्षेत्रमा महत्वपूर्ण योगदान गर्ने व्यक्ति, संस्था वा समूहलाई प्रदान गर्ने भएको छ।
सन् २०२४ देखि अवार्डको नगद राशि बढाएर २० लाख पुर्याइएको थियो।
डिष्ट्रिक्टका अनुसार निस्वार्थ सेवा, उच्च नैतिकता, पेशागत उत्कृष्टता, दीर्घकालीन प्रतिबद्धता र समाजमा उदाहरणीय योगदान गरेका नेपाली नागरिक, समूह वा कानुनअनुसार दर्ता भएका संस्थाहरू यस अवार्डका लागि योग्य हुनेछन्।
आवेदन माघ २२ गतेसम्म जिल्ला रोटरी क्लब, डिष्ट्रिक्ट कार्यालय थापाथली वा अनलाइनमार्फत दिन सकिने बताइएको छ। अवार्ड यही फागुन ७ देखि ९ गते पोखरामा हुने १८औँ डिष्ट्रिक्ट कन्फरेन्समा प्रदान गरिने उल्लेख छ।
रोटरी इन्टरनेशनल सन् १९०५ मा स्थापना भएको विश्वकै पुरानो सेवामूलक संस्था हो। नेपालमा सन् २००८ देखि छुट्टै डिष्ट्रिक्ट ३२९२ स्थापना भई १६३ रोटरी क्लब सक्रिय छन्।
-1746009348.jpg)
