सन् २०२४ को आइसिसी टी-२० विश्वकप क्रिकेटका लागि छनोटमा परेका आफ्ना विद्यार्थीलाई फिनिक्स कलेजले बिहीबार एक समारोहकाबीच सम्मान र शुभकामना व्यक्त गरेको छ।
फिनिक्स कलेजमा बिबिएमा अध्यनरत कुशल भुर्तेल, कुशल मल्ल, कमलसिंह ऐरी, सन्दीप जोरा र प्रतिश जिशी विश्वकपमा नेपालको राष्ट्रिय टिमबाट खेल्नेछन्।
सम्मान तथा शुभकामना कार्यक्रममा बोल्दै कलेजका कार्यकारी अध्यक्ष भरत गिरीले प्रतिभाशाली विद्यार्थीले विश्वमञ्चमा आफ्नो सीप प्रदर्शन गरेको देख्न पाउनुले समग्र कलेज परिवार गौरवान्वित भएको बताए।
उनले खेलाडीलाई साहसका साथ खेल भावनालाई कायम राख्दै उत्कृष्ट प्रदर्शन गरी समग्र राष्ट्रलाई गौरवान्वित गर्न शुभकामना दिए।
अध्यक्ष गिरीले कलेजले विद्यार्थीहरुलाई पढाई सँगै खेलकुदका क्रियाकलापमा पनि अग्रसर गर्नुपर्ने बताउँदै उनले कलेजले योग्य विद्यार्थीहरुलाई खेल छात्रवृत्ती प्रदान गर्ने प्रतिवद्धता व्यक्त गरे।
