सशस्त्र प्रहरी बलको एपिएफ क्लब ललितपुर मेयर्स वुमन्स च्याम्पियनसिपको फाइनलमा पुगेको छ। एपिएफ लगातार तेस्रो जित निकाल्दै उपाधि नजिक पुगेको हो।
बुधबार भएको आफ्नो तेस्रो खेलमा एपिएफले ललितपुर मेयर्स-११ लाई ८ विकेटले पराजित गर्यो।
कीर्तिपुरस्थित त्रिवि मैदानमा पहिले ब्याटिङ गरेको ललितपुरले २० ओभरमा ५ विकेटको क्षतिमा ७१ रन मात्र जोड्न सक्यो।
उसका लागि कप्तान पूजा महतोले २४ रन र ज्योत्स्निका मरासिनीले रिटायर्ड हर्ट हुनुअघि २१ रन बनाए।
बलिङमा एपिएफका रेखा रावल र सीता रानामगरले १-१ विकेट लिए।
७२ रनको लक्ष्य एपिएफले ९.५ ओभरमा २ विकेट गुमाएर पूरा गर्यो। उसक लागि ममता चौधरीले १६ रन र कप्तान सीता रानामगरले ५० रन बनाए।
भोलि सुदूरपश्चिमसँग लिग चरणको अन्तिम खेल खेलेपछि उसले शनिबार फाइनल खेल खेल्नेछ।
-1746009348.jpg)
