आइसिसी टी-२० विश्वकप २०२४ को तयारीका लागि बंगलादेशविरूद्ध अन्तर्राष्ट्रिय टी-२० सिरिज खेलेको अमेरिकाले ऐतिहासिक जित निकालेको छ।
ह्युस्टनमा घरेलु टिम अमेरिकाले लगातार दोस्रो जित निकाल्ने क्रममा बिहीबार ६ विकेटको जित निकाल्यो। यसअघि पहिलो खेलमा पनि विजयी भएको अमेरिकाले अन्तिम खेलअघि नै टेस्ट टिमविरुद्ध सिरिज जित्यो।
पहिले ब्याटिङ गरेको अमेरिकाले ६ विकेटको १४४ रन जोड्यो। उसका लागि कप्तान मोनाक पटेलले ४२ रन र आरोन जोन्सले ३५ रन बनाए।
बलिङमा बंगलादेशका शोरीफुल इस्लाम, मुस्ताफिजुर रहमान र रिशद हुसेनले २-२ विकेट लिए।
१४५ रनको लक्ष्य पछ्याएको बंगलादेश ३ बल बाँकी छदा १३८ रनमा अलआउट भयो।
बंगलादेशलाई अन्तिम ओभरमा १२ रन चाहिएको अवस्थामा अमेरिकाको अली खानले तेस्रो बलमा रिशद हुसेनलाई आउट गरेका थिए।
प्लेयर अफ दि म्याच अलीले महत्वपूर्ण ३ विकेट लिँदा २५ रन खर्चिए। शौरभ नेत्रभाल्कर र भान सालवेकले २-२ विकेट लिए।
-1746009348.jpg)
