सन् २०२३/२४ मा बार्बाडोसमा खेलिएको 'बिम-१०' लिगमा फिक्सिङमा संलग्न भएको आरोपमा अन्तर्राष्ट्रिय क्रिकेट परिषद (आइसिसी ) ले वेस्ट इन्डिजका खेलाडी जाभोन सर्लेससहित तीन जनालाई प्रतिबन्ध लगाएको छ।
आइसिसीले सर्ल्सहित टाइटन्सका टिम मालिक चित्रञ्जन राठोड र टिम अफिसियल ट्रेभन ग्रिफिथलाई पनि निलम्बन गरेको छ।
उनीहरूमाथि क्रिकेट वेस्टइन्डिज र आइसिसीको भ्रष्टाचार विरोधी नियमहरू उल्लंघन गरेको गम्भीर आरोप लागेको छ।
खेलको नतिजा वा खेलको कुनै पक्षलाई गलत तरिकाले प्रभावित पार्ने गरी म्याच फिक्सिङ गर्न प्रयास गरेको वा त्यस्तो सम्झौतामा सहभागी भएको पहिलो आरोप छ।
अन्य खेलाडी वा कर्मचारीहरूलाई भ्रष्टाचार गर्न उकासेको वा सहयोग गरेको र भ्रष्टाचार सम्बन्धी अनुसन्धान भइरहँदा अधिकारीहरूलाई सहयोग नगरेको पनि उनीहरुमाथि आरोप छ।
कसैले भ्रष्टाचारको प्रस्ताव गर्दा त्यसको जानकारी समयमै क्रिकेट बोर्डलाई नदिएको (यो आरोप सर्लेस र ग्रिफिथमाथि लागेको छ) तथा ट्रेभन ग्रिफिथमाथि अनुसन्धानका प्रमाणहरू लुकाएको वा मेटाएर बाधा पुर्याएको थप आरोप छ।
यी तीनै जनालाई तत्काल लागू हुने गरी क्रिकेटका सबै गतिविधिबाट निलम्बन गरिएको छ। उनीहरूलाई यी आरोपहरूको जवाफ दिन सन् २०२६ मार्च ११ देखि १४ दिनको समय दिइएको छ।
यो कारबाही एउटा ठूलो अनुसन्धानको हिस्सा हो। यसअघि जनवरी २८ मा अमेरिकाका खेलाडी आरोन जोन्सलाई पनि यस्तै प्रकारका ५ वटा आरोपमा कारबाही गरिएको थियो। यो विषयमा अन्तिम निर्णय नआएसम्म आइसिसीले थप केही नबताउने जानकारी दिएको छ।
-1746009348.jpg)
