नापोलीले ३३ वर्षपछि पहिलो इटालियन सिरी एको उपाधि जितेको छ।
उडिनेसेसँग लिगको ३३औं खेलमा बराबरी खेलेपछि नापोलीको ५ खेलअघि उपाधि पक्का भयो।
दोस्रो स्थानको लाजियोभन्दा १६ अंकले अघि रहेपछि नापोलीले ५ खेलअघि उपाधि जितेको हो। शीर्ष नापोलीको ३३ खेलबाट ८० अंक छ भने लाजियोको ६४ अंक छ।
नापोलीले अन्तिम पटक १९९० मा उपाधि जितेको थियो। नेपोलीले तेस्रो सिरी ए उपाधि जितेको हो।
नापोलीले यसअघिका दुई उपाधि अर्जेन्टिनाका दिग्गज म्याराडोनाको समयमा १९८७ र १९९० मा उपाधि जितेको थियो।
नापोलीका लागि नाइजेरियाका फरवार्ड भिक्टर ओसिमहेनले २६ लीग खेलहरूमा २१ गोल गरेका छन् भने जर्जियाका विंगर खविचा क्वारात्स्केलियाले १२ गोल र १० असिस्ट योगदान गरेका छन्।
६४ वर्षका प्रशिक्षक लुसियानो स्पालेट्टी सेरी ए जित्ने सबैभन्दा पाका प्रशिक्षक बने।
