स्पेनिस क्लब रियल म्याड्रिडले इंग्लिस क्लब म्यानचेस्टर युनाइटेडविरूद्धको क्लब मैत्रीपूर्ण खेलमा जित हात पारेको छ।
बिहीबार अमेरिकाको टेक्सासमा भएको खेलमा रियल २-० गोलले विजयी भयो।
रियलको जितमा जुड बेलिङघम र जोसेलुले गोल गरे। बेलिङघमले खेलको छैटौ मिनेट र जोसेलुले खेल सकिन एक मिनेट बाँकी छदा गोल गरे।
स्पेनिस च्याम्पियन्सले छैटौं मिनेटमै युनाइटेडमा डेब्यू गरेका किपर आन्द्रे ओनानालाई विरुद्ध गोल गरेको थियो।
एनआरजी स्टेडियममा ६७ हजार ८०१ भिडको अगाडि जित निकालेपछि बेलिङघमले खुसी व्यक्त गरे।
बेलिङघम यही सिजन रियल म्याड्रिडमा आबद्ध भएका हुन्।
1690440743.jpg)
